12 ஆம் வகுப்பு, தமிழ்,இயல் 1, இளந்தமிழே, சிற்பி பாலசுப்பிரமணியம்,கூடுதல் வினாக்கள்,+2 தமிழ்,12th தமிழ்,12th Tamil,+2 Tamil,Eyal 1, additional questions,2,4,6 mark question,

 12 வகுப்பு 

தமிழ் 

இயல் 1 

இளந்தமிழே

 சிற்பி பாலசுப்ரமணியம்

                          

கூடுதல் வினாக்கள்

எம்.ஏ.ஜெலஸ்டின்

முதுகலைத் தமிழாசிரியர்

கார்மல் மேனிலைப் பள்ளி

நாகர்கோவில் - 4

9843448095

குறுவினா

1. தமிழ் எத்தகைய வலிமை வாய்ந்தது? (PTA -3)

      தமிழர்களைச் சூழ்ந்திருக்கும் அடிமைத்தனமும், அறியாமையும், முழுவதுமாக அவர்களை விட்டு அகன்றிட;

அவர்கள் சிறைப்பட்டிருக்கும் அடிமைத்தன கூண்டினை உடைத்திட சிங்கம் போலச் சீறிப்பாயும் வலிமை வாய்ந்தது தமிழ்மொழி. 

2. "முன்னம் ஒருநாள் பாண்டியரின் சங்கத்தில் கொலுவிருந்தாய்" யார், யாரைப் பற்றிக் கூறியது?(PTA -5)

     தமிழன்னையைப் பற்றிச் சிற்பி பாலசுப்பிரமணியம் கூறியது.

 3. தமிழ் மொழியின் சிறப்புகளாக  நீவீர் அறிவன யாவை?

 ( PTA - 6)

 தமிழ் மொழியின் சிறப்புகள்:

*உழைப்பாளர்களின் உழைப்பைப் பாட தமிழே வேண்டும்.

*  சங்கம் வைத்து தமிழ் வளர்த்த பாண்டியரின் சங்கத்தில் இருந்து செம்மொழியாக ஆட்சிசெய்த மொழி.

*  பாரி போன்ற வள்ளல்கள் பலரை இத்தமிழ் மண்ணிற்குத் தந்த சிறப்புடையவள்.

4. கவிஞர் சிற்பி பாலசுப்ரமணியம் எழுதிய கவிதை நூல்களில் சிலவற்றை எழுதுக.

 *ஒளிப்பறவை

 *சர்ப்பயாகம் 

 *சூரிய நிழல்

 *ஒரு கிராமத்து நதி

 *பூஜ்யங்களின் சங்கிலி 

5. பழமைநலம் கொண்ட மொழி தமிழ்மொழிஎவ்வாறு? 

* தமிழ் மொழி பாண்டிய மன்னர்கள் அமைத்த சங்கத்திலே தன்னிகரற்ற செம்மொழியாய் இருந்து ஆட்சி செய்த மொழியாகும்.

* பாரி போன்ற வள்ளல்கள் பலரை இத்தமிழ் மண்ணிற்குத் தந்த பழமைநலம் கொண்ட மொழியாகும்.

 6. கவிஞர் சிற்பி எழுதியுள்ள உரைநடை நூல்கள் யாவை?

* இலக்கிய சிந்தனைகள்

* மலையாளக் கவிதை

* அலையும் சுவடும்

 சிறுவினா

1. கவிஞர் சிற்பி பாலசுப்ரமணியத்தின் இலக்கியப் பணி குறித்து எழுதுக?

 கவிஞர் சிற்பி பாலசுப்ரமணியத்தின் இலக்கியப்பணி:

* கவிஞர்,பேராசிரியர்,மொழிபெயர்ப்பாளர்,இதழாசிரியர் எனப் பன்முகம் கொண்டவர் சிற்பி பாலசுப்ரமணியம்; பாரதியார் பல்கலைக்கழகத்தில் தமிழ்த்துறைத் தலைவராகப் பணியாற்றியவர்.

* மொழிபெயர்ப்புக்காகவும்' ஒரு கிராமத்து நதி' என்னும் கவிதை நூலிற்காகவும் இருமுறை சாகித்திய அகாதமி விருது பெற்றவர். இவருடைய கவிதைகள் ஆங்கிலம், கன்னடம், மலையாளம், மராத்தி, இந்தி ஆகியவற்றில் மொழிபெயர்க்கப்பட்டுள்ளன.

*  இவர் ஒளிப்பறவை,சர்ப்பயாகம், சூரிய நிழல்,ஒரு கிராமத்து நதி, பூஜ்யங்களின் சங்கிலி, முதலிய பல கவிதை நூல்களை ஆக்கியவர்; இலக்கிய சிந்தனைகள், மலையாளக் கவிதை, அலையும் சுவடும் உள்ளிட்ட உரைநடை நூல்களையும் எழுதியுள்ளார். *மலையாளத்திலிருந்து கவிதைகளையும் புதினங்களையும் மொழிபெயர்த்துள்ளார்; சாகித்திய அகாதெமியின் செயற்குழு உறுப்பினராகவும் இருக்கிறார்.

 நெடுவினா 

1.தமிழ்மொழி மீண்டும் சீறிவர வேண்டுமென்று கவிஞர் சிற்பி தமிழை அழைக்கும் காரணங்களைத் தொகுத்து எழுதுக

 இயற்கையைப் பாட வருக தமிழே!

* மாலை நேரத்தில் சிவந்த கதிர்களைச் சுருக்கிக் கதிரவன் மலைக்குப் பின் சென்று மறைவான்.

* அம்மாலை நேர வானம் கதிரவனின் ஒளிபட்டுச் செந்நிறப்பூக்காடாக்  காட்சியளிக்கும்.

* அக்காட்சியைப் பாட தமிழே வா!

 தொழிலாளர்களைப் பாட வருக தமிழே!

*தினமும் உழைக்கும் தொழிலாளர்கள் கைகளும் மாலை நேர வானம் போல சிவந்திருக்கும்

* தொழிலாளர்களின் தோள்களில் முத்துமுத்தாய் வியர்வைப் பூத்திருக்கும்.

* இக்காட்சிகளைப் பாட தமிழே நீ வா!

 தமிழின் பழமைநலம்:

* பொங்கிவரும் கவிதைக்கு உணவாக விளங்குவது முத்தமிழ் ஆகும்.

* பாண்டியனின் ஆட்சிப் பகுதியான மதுரையில் சங்கம் அமைத்து அரசாட்சி செய்த சிறப்புடையது.

* பாரி போன்ற வள்ளல்களைத் தமிழ்நாட்டுக்குத் தந்த பெருமை உடையது.

 சிங்கம் போல சீறி வா:

 *பழமைநலம் மீண்டும் பிறக்க மேனி சிலிர்க்க தமிழ்க்குயிலே மீண்டும் கூவி வா!

* குளிர்ச்சியான பொதிகை(குற்றால) மலையில் தோன்றிய தென்னாட்டுத் தமிழே! உன்னைப் புதிப்பிக்க புறப்பட்டு வா!

* தமிழரின் அடிமைத்தனமும், அறியாமையும் அகன்றிடவும், அவர்கள் சிறைப்பட்டிருக்கும் கூண்டினை உடைத்திட சிங்கம் போலச் சீற்றத்தோடு வா!